தேன்மொழி

எனக்கு தமிழில் எவ்வளவோ எழுத வெண்டுமென்று ஆசை...
ஆனால் எழுதக் கொடுத்து வைக்கவில்லை..
[எனக்கு கூடதான் நயன்தாராவ கல்யாணம் பண்ணிக்கணும்-ன்னு ஆச... ]

அதாகப் பட்டது என்னவென்றால், ஒரு தமிழ்க் குடிமகனாகப் பிறந்தவன், தன்னுடைய வாழ்நாளில் சாதிக்க வேண்டிய சில ...
[டேய்.. நிறுத்து..இப்போ என்னா சொல்ல வர்ற?]

தேன்மொழி என் தேன்மொழி அவள் மொழி, தேன்மொழி...
[உன்னோட படைப்புத் தொல்லைக்கு ஒரு அளவே இல்லையாடா?]

என் தேன்மொழி, அவள் விழி மலர்விழி
காதலி அவள் என் காதலி..

மைவிழி, அவள் என்னைப் பார்க்கும் மார்கழி
பைங்கிளி பஞ்சை ஒத்த, பருவத்து சங்கிலி
[நீ ஒரு பெருச்சாளி.. அவ ஒரு செத்த எலி..]

என்னவள்..
தீராத வானத்தில் தினம் ஒரு நட்சத்திரம்...
காணாத வண்ணத்தில் தீட்டாத பெண் சித்திரம்...

தேன் தெவிட்டி, வாய் கசந்த உயிருக்கு
வாடாத வெண்ணிலா வெள்ளம்.
[ஸ்ட்ராபெர்ரி , பட்டர் ஸ்காட்ச் எல்லாம் இல்லையா?]

....இந்தக் கவிதை தொடரும்...

[இந்த உலகத்துலேயே, கவிதைக்கு டெலி சீரியல் மாதிரி தொடரும்...போட்ட ஒரே ஆளு நீதாண்டா.. எழுத முடீல-ன்னு ஒத்துக்கோ...  ]

ஒரு சிறு கவிதை

கடலின் அலைகள் நின்றாலும்,

தாமரை காலையில் மலர்ந்தாலும், 

சூரியன் தெற்கில் மறைந்தாலும்,

காதலர்கள் பொறுப்பை உணர்ந்தாலும்,

சிம்பு நடிப்பதை நிறுத்தினாலும், 

என் நண்பன் ஷேய்க் கடலை போடுவதை நிறுத்த மாட்டான்.

கவித . கவித..

கேளடா மானிடா! கேள்விகள்தானடா, வாழ்கையின் தூணடா!...
கோழைக்கோபம் கோட்டை ஆண்டதில்லை! வீரமௌனம் வீழ்ச்சி கொண்டதில்லை.
தீரா முயற்சி, திடமுடன் போராடு! வாகை மலரின் வாசம் உன்னோடு. 


-நம்புங்க பாஸ் நானேதான் எழுதினேன்.

one more sample

அறிவும் அறிவியலும், ஆர்வப்பட
செழுமையும், செயல்திறனும், செம்மை காக்க
உடலும் மனமும் உறுதி சேர்க்க,
பொருளும் புகழும் பெருகிப் பொங்க
எல்லோரும் பரோட்டா சாப்புடுங்க ப்ளீஸ்..

at least  இப்போவாவது நம்புறீங்களா?